TARTARO VITO
POESIE
Vito Tartaro di Ramacca, poeta, narratore, studioso severo di dialetto.
Impiegato comunale, si avvicinò alla scrittura in tarda età, pubblicando, dal 1980 ad oggi, un saggio storico-archeologico sulla montagna del suo paese, cinque libri di poesia (più una silloge antologica inserita in un collettivo di poeti), un romanzo, una raccolta di racconti, un volume di racconti alternati a poesie, altro saggio sulla storia della Sicilia e, infine, di prossima uscita, un libro di prose postumo. Tutta la sua produzione è in dialetto, ad esclusione della sua opera saggistica d’esordio.
La scrittura di Tartaro gira essenzialmente attorno a determinati nuclei-registri: l’essere ateo, condizione che si sviluppa approdando ad una “religiosità” della Natura e dell’Uomo; il canto accorato per gli umili e gli oppressi; gli affetti familiari come unico elemento salvifico; lo scavo nella parola dialettale pura, originaria, su una scrittura tesa, non scevra da neologismi e ricerca stilistica continue; il rimpianto per una sicilianità (e per la Parola siciliana) irrimediabilmente perduta . I toni sono quelli polemici dell’impegno politico-sociale, satirici, elegiaci, modulazioni liriche, senza mai scadere nei cascami tipici di tanta letteratura folclor-popolare.
Sulla sua opera hanno scritto in molti, da Vincenzo Di Maria a Manlio Cortellazzo, da Silvana La Spina a Giuseppe Cavarra, da Salvatore Di Marco ad Adalgisa Biondi e tanti altri. Svariati i premi letterari ottenuti, fra cui il Città di Marineo, il Vann’Antò-Saitta per l’inedito e il Musco.
Con lui se ne va un pezzo della Sicilia letteraria dialettale di prestigio.
Giuseppe Samperi
TARTARO VITO
POESIE
CONZAPAROLI
|
CONZAPAROLI Purtatimi paroli, ma no d'allittrati, paroli di colliri di villici di Roma di servi di la gleba di viddani sdisciurati pi na sarmata di frummentu all'annu e dui cati di mennuli. Purtatimminni zammuliati ca sugnu conzalemmi e li riparu medicu e li sanu custureri e li vestu pasticceri e ni fazzu viscotta turruni cunfetti. Poi vi li rennu chiù vivuli e belli di prima. Li putiti mangiari purtari comu giujelli azzizzari la casa fari rijali priziusi. Accussì turnati a gluriarivi d'unni viniti cui siti e sapiri unni jiti. Vi fazzu francu stu travagghiu a costu d'appizzaricci valia e vavareddi. Sulu un prisenti disiu: quannu moru vurricatimi di paroli antichi o moderni di paci o di sciarra di repitu o di festa ma paroli siciliani. |
CONCIAPAROLE ma non di letterati, parole di collire di villici di Roma di servi della gleba di contadini invecchiati per una salma di frumento l�anno e due secchi di mandorle. Portatemene a iosa che sono conciabrocche e le riparo medico e le guarisco sarto e le vesto pasticciere e ne faccio biscotti torrone confetti. Poi ve le rendo più vivaci e più belle di prima. Le potrete mangiare portare come gioielli adornare la casa fare regali preziosi. Così tornerete a gloriarvi donde venite chi siete e sapere dove andare. Vi faccio gratis questo lavoro a costo di perderci la salute e la vista. Solo un dono desidero: quando muoio seppellitemi di parole antiche e moderne di pace o di lite di lamento o di festa ma parole siciliane. |
TARTARO VITO
POESIE
PEPPI
|
PEPPI Setti piccati cancillati pi ogni zazzamita ammazzata Piccatu lu nàsciri piccati saputi piccati scanusciuti: si n'accucchianu tanti ni deci anni. Pi ogni zazzamita ammazzata setti piccati scuntati. Ottu pi sette cinquantasei deci pi setti sittanta dudici pi setti uttantaquattru… Si armau di sfileccia di ghiacci di jina e partiu pi la caccia. Rigistru di morti lu quadernu d'italianu. Quattru journu unu dui lu dui cincu lu tri novi l'innumani tutali minsili tutali annuali diffirenza… Ma ristavanu sempri piccanti pinnenti pirchì non sapeva quant'eranu chiddi senza cuscenza. E quannu capiu ca non bastavanu tutti li zazzamiti di lu munnu cu la prima varba ntisi viniri la malincunia Grapiu vucca na sula vota pi rispùnniri a la dumanna "ma chi ti senti Pe'?: "Un piccatu un piccaturi contra la natura" Poi non parrau chiù tranni forsi cu li zazzamiti quannu si cògghinu lu suli.
|
TARTARO VITO
POESIE
FACITIMI LI CUNTI
|
FACITIMI LI CUNTI Ora ca li cannuna arifriddaru (centumila li morti, centumila!) dicinu ca la guerra timminau. Ora ch'è n'autra vota menzanotti ni lu Kuwait amiricanizzatu scrivuni (Centumila li caduti!): la bella paci riturnau 'n saluti. Centumila li morti! Cu' capisci di nummira vo farimi li cunti? Quantu sunnu li vivi cu la uerra dintra la testa, quantu li stizzeri, quantu li stizzi cavudi e saliti nta li firiti di li cori vunchi? Facitimi li cunti, pi favuri, e mi diciti quantu focu d'occhi ci voli pi bruciari na città di dudici miliuna di spriveri. Si non basta lu chiantu ca si fa pi centumila morti, ci mittiti lu chiantu di l'indiani massacrati, di chisti chiusi dintra li riservi comu pecuri, chiddu d'Hiroscima e Nagasaki, di lu Viettinammi, lu chiantu di l'America Latina, di li figghi di Mamma Palistina. Facitimi li cunti, pi favuri. Junciticci, su ancora ci ni voli, lu miu, c'ha fattu un lagu ca fumia largu cent'anni e longu quattrucentu. Facitimi li cunti, pi favuri, c'aju a vulari supra Nova Yorka lestu, chiù lestu ancora di lu ventu, carricatu di lacrimi e d'amuri. Facitini li cunti, prima ancora ca chiantunu a Palermo o a Siracusa la statua di farsa libirtà. Facitimi li cunti, pi favuri. |
TARTARO VITO
POESIE
RANCURI
|
RANCURI Avissi avutu na manata di paroli di chiddi ca sannu di capicchiu di matri e fenu vagnatizzu ti li cicavva, Ninu, pi scuddariti la morti o darici sapuri di cuccia Ma non n'aneva chiù cà m'allamparu dintra quannu non visti a nuddu spuniriti cruci di chiummu e cruna di chiova o pruìriti na tinta vota d'acqua Mi siccaru d'intra li paroli di terra lavurata frisca e pagghia ncritata chiddi ca fannu calari lu sonnu a picciriddi murritusi e spizzutano d'ugghianzi Ristaru sulu parulazzi mparintati cu "rancuri" a cutturiarimi: rancuri pi l'omini ca si votanu di ddabbanna vidennu un Cristu viddanu circari la morti pi riventu Divintassi meli sta nucidda di lava ca mi coci lu pettu |
traduzione a cura di Luigi Bufalino |
Abbiamo 73 visitatori e nessun utente online
