RANCURI

Avissi avutu na manata di paroli

di chiddi ca sannu di capicchiu di matri

e fenu vagnatizzu

ti li cicavva, Ninu,

pi scuddariti la morti

o darici sapuri di cuccia

Ma non n'aneva chiù

cà m'allamparu dintra

quannu non visti a nuddu

spuniriti cruci di chiummu e cruna di chiova

o pruìriti

na tinta vota d'acqua

Mi siccaru d'intra

li paroli di terra lavurata frisca

e pagghia ncritata

chiddi ca fannu calari lu sonnu

a picciriddi murritusi

e spizzutano d'ugghianzi

Ristaru sulu parulazzi

mparintati cu "rancuri"

a cutturiarimi:

rancuri pi l'omini

ca si votanu di ddabbanna

vidennu un Cristu viddanu

circari la morti pi riventu

Divintassi meli

sta nucidda di lava

ca mi coci lu pettu

RANCORE


Avessi avuto una manciata di parole

di quelle che hanno il sapore di capezzoli di madre

e fieno inzuppato

te le avrei cercate, Nino,

per farti dimenticare la morte

o darle sapore di cuccìa

Ma non ne avevo più

perché mi sono morte dentro

quando non ho visto nessuno

mostrarti croci di piombo e corone di chiodi

o porgerti

un misero sorso d’acqua

Mi si sono seccate dentro

le parole di terra arata di fresco

e paglia incretata

quelle che fanno venir sonno

ai bambini irrequieti

e attenuano lo scoramento

Sono rimaste solo parolacce

imparentate con il “rancore”

a tormentarmi:

rancore per gli uomini

che si girano dall’altra parte

vedendo un Cristo contadino

cercare la morte per sollievo

Diventasse miele

Questa nocciola di lava

Che mi arde nel petto

traduzione a cura di Luigi Bufalino