LAMPIDUSA

C'è 'n paradisu d'oru, sicilianu,
ccu l'acqua di lu mari cristallina,
spiranza ppi cu' veni di luntanu
ppi calpistari 'sta terra divina.

Ma ppi qualcunu lu distinu è stranu,
ca mentri a Lampidusa s'avvicina
e la so riva ci stenni li manu,
s'affunna 'a barca, ppi la so ruvina.

E mori la spiranza a la strania,
sutta lu nostru suli e la biddizza,
mentri la morti cogghi e sintinzìa.

E Lampidusa, china di tristizza,
varda lu mari mentri trìmulia,
sì vesti a luttu e agghiutti amarizza.

E chiangi ppi li poviri emigrati
ca a li so' pedi morunu anniati.

LAMPEDUSA

C'è un paradiso d'oro siciliano,
con l'acqua del mare cristallina,
speranza per chi viene da lontanto
per calpestare questa terra divina.

Ma per qualcuno il destino è strano
che mentre a òlampedusa s'avvicina
e la sua riva gli stende una mano
affonda la barca, per la sua rovina.

E muore la speranza in terra straniera
sotto il nostro sole e la bellezza
mentre la morte raccoglie e sentenzia .

E Lampedusa, piena di tristezza
guarda il mare mentre tremola,
si veste a lutto e inghiotte amarizza.

E piange per i poveri emigrati
che ai suoi piedi muoino annegati.

NUN CI PINSATI CHIUI

Non ci pinsati chiui figghiareddi
quannu 'stu patri, essennu picciutteddu,
jeva girannu stratuzzi e vaneddi
ppi 'n pezzu 'i pani ccu lu carritteddu.

Quannu turnava a casa, figghi beddi,
prima ca mi spaiava 'u sciccareddu,
abbrazzava a vuatri nicareddi
e vi davu, ccu cori, 'n vasuneddu.

'Nta chiddi tempi di fami e pidocchi
iù vi purtava nespuli e 'nzalori,
favi, buzzedda, lattuchi e finocchi.

E mi scippava macari lu cori;
ora campu cchi lacrimi 'nta l'occhi
ca m"i diciti amari li palori!

NON CI PENSATE PIU'

Non ci pensate più figlioletti
quando questo padre, essendo giovanotto,
andava girando strade e stradine
per un pezzo di pane con il carretto.

Quando tornava a casa, figlioli belli,
prima che levavo l'asino dal carretto,
abbracciavo a voi piccolini
e vi davo, con il cuore, un bacino.

In quei tempi di fame e pidocchi
io vi portavo, nespoli e verdure,
fave, piselli, lattuche e finocchi.

E mi strappavo anche il cuore;
ora campo con le lacrime negli occhi
giacchè mi dite parole amare!

LU TEMPU

Lu tempu carusiddu mi passau
'nta 'na casuzza ccu li ginituri;
me matri mi crisciu e m'ansignau
di caminari ccu rispettu e amuri;
me patri, quannu morsi, mi lassau
'n chiovu 'ntò cori e prufunnu duluri.
'Nta chiddi tempi di fami e di peni
li ginituri mi vosiru beni.

E l'anni ni passavunu sireni
quannu la sira, 'nta 'na buffittedda,
mangiavumu cibi senza vileni,
sutta lu lustru di 'na lumiredda;
'nta 'dda casuzza ccu l'ortu e tirreni
la vita ni passava duci e bedda.
'Ntra l'educazioni e la crianza
iù ci crisceva ccu fidi e spiranza.

Ccu la famuzza e ccu nenti 'nt"a panza
li ginituri mi davunu versu
e cunfurtaru la me carusanza.
Oggi lu munnu gira a lu riversu,
'nta la famigghia non c'è amurusanza
e zoccu si fa fa è tuttu persu.
E iù rimpiangiu lu tempu passatu,
anchi su' 'u pani l'aveva stintatu.

Mi fici granni e non mi l'ha' scurdatu
l'amuri ardenti di li ginituri,
la casa, lu curtigghiu profumatu
di menta, gelsuminu, rosi e ciuri,
la jistirnedda, la pila e lu quatu,
lu jaddu ca cantava a tutti l'uri,
li boni 'nsignamenti e la crianza
ca accumpagnaru la me carusanza

IL TEMPO

Il tempo da bambino trascorrevo
in una casetta con i genitori;
mia madre mi ha cresciuto e mi ha insegnato
di vivere con rispetto e amore;
mio padre, quando è morto, mi ha lasciato
un chiodo nel cuore e profondo dolore.
in quei tempi di fame e di pene,
i genitori mi vollero bene.

E gli anni passavano sereni
quando mla sera, in un cucinino,
mangiavamo cibi senza veleno,
sotto la luce di un lumicino;
nella casetta con l'orto e con i terreni
la vita trascorreva dolce e bella.
Con l'educazione e i buoni modi di fare
io crescevo con fede e speranza.

Con la fame e con niente nin pancia
i genitori mi davano le loro attenzioni
ed hanno confortato la mia fanciullezza.
Oggi il mondo gira all'incontrario,
nella famiglia non c'è più amore
e qualsiasi cosa si faccia è tempo perduto.
Ed io rimpiango il tempo passato,
anche se il pane l'avevo a malapena.

Mi son fatto grande e non mi sono dimenticato
l'amore ardente dei genitori,
la casa, il cortile profumato
di menta, gelsomino, rose fiori,
la piccolla cisterna, la pila e il secchio,
il gallo che cantava a tutte le ore,
i buoni insegnamenti e i modi di fare
che hanno accompagnato la mia fanciullezza

PRIMA CA SCURA

Prima ca scura tornu di la chiana
e quannu m'avvicinu a la marina
vidu lu mari e lu cori si sana,
l'aria si fa duci e frizzantina,
sciuscia lu ventu di la tramuntana,
lu suli a lu tramuntu s'incamina,
sentu d"aceddi 'na canzuna arcana
e lu profumu di li gelsumina.

Pari 'na cartulina lu criatu,
mentri va scumparennu la chiaria,
lu Mungibeddu fuma 'mpinnacchiatu;
vidu a distanza la casuzza mia,
lu suli non c'è chiù, è tramuntatu,
lu jornu si ni va: è l'Avi Maria,
mentri la luna ccu li stiddi a latu
spunta 'ntó cielu comu ppi magia.

Prima ca trasu 'nté me' quattru mura
e dugnu 'n baciu a la muggheri mia,
'na cutra grigia copri la natura,
lu mari s'addurmisci e trimulia:
l'ultima scena prima ca mi scura,
'ntra tanta meravigghia ca ammalia,
mentri svanisci 'n quatru di pittura
'ncurniciatu d'amuri e puisia. 

PRIMA CHE FA BUIO

Prima che fa buio torno dalla piana
e quando mi avvicino alla marina
vedo il mare ed il cuore si sana,
l'aria si fa dolce e frizzantina,
soffia il vento di tramontana,
il sole al tramonto si incammina,
sento di uccelli una canzuna arcana
e il profumo dei gelsomini.

Sembra una cartolina il creato,
mentre va scomparendo il chiarore,
il Mongibello (vulcano Etna) fuma con un pennacchio;
vedo a distanza la mia casetta,
il sole non c'è più, è tramontato,
il giorno se ne va: è l'Ave Maria,
mentre la luna con le stelle di lato
spunta nel cielo come per magia.

Prima che entro dentro le mie quattro mura
e do un bacio alla mia moglie,
una coltre grigia ricopre la natura (notte)
il mare s'addormenta e tremolia:
l'ultima scena prima che si fa buio,
in mezzo a tanta meraviglia che ammalia,
mentre svanisce un quadro di pittura
incorniciato d'amore e poesia.