A TERRA E' COMU 'NA MATRI

Nui chi semu 'nnamurati di la nostra terra
la taliamu cu occhi di passioni e d'amuri,
comu fa un picciottu cu la so picciotta,
comu un maritu fa cu so mugghieri.

Nui chi semu 'nnamurati di la nostra terra
ristamu incantati di li so biddizzi,
chiddi chi ci retti Diu quannu la fici
pi farini campari chiù felici.

A terra è comu na matri si ama e basta,
pirchì comu na matri duna vita
e a cu è chi duna vita s'anna dari
i chiù ranni sintimenti d'amuri e di rispettu.

A terra è comu na matri si ama e basta,
pirchì comu na matri duna vita,
ma c'è genti chi un l'ama e la carpista
è genti ca un canusci nè amuri e nè rispettu;
è genti chi si vinni la so terra
e la riduci a fimmina di strata
picchi li soi biddizzi un li capisci
e si la vinni a cui chiossà ci la paga,
ma tu, o terra mia, non ti scantari,
arriverà lu jornu di cangiari
pirchì ormai su lenti li catini
chi t'hannu 'mprigiunatu finu ad ora
e nun sarai chiù schiava, terra mia,
a libirtà chi meriti l'avrai
la genti chi ti ama voli chistu
pirchì lu voli Diu, lu voli Cristu.

E nun sarai chiù schiava, terra mia,
a libirtà chi meriti l'avrai.
                                                                                                             

LA TERRA E' COME UNA MADRE

Noi che siamo innamorati della nostra terra
la guardiamo con occhi pieni di passione e d'amore,
come fa un ragazzo con la sua ragazza,
come un marito fa con sua moglie.

Noi che siamo innamorati della nostra terra
restiamo incantanti delle sue bellezze,
quelle che le diede Dio quando la creò
per farci vivere più felici.

La terra è come una madre si ama e basta,
perchè come una madre da la vita
e a chi ci da la vita si debbono dare
i più grandi sentimenti d'amore e di rispetto.

La terra è come una madre si ama e basta,
perchè come una madre da la vita,
ma c'è gente che non l'ama e la calpesta
son persone che non conoscono
nè amore e nè rispetto;
sono persone che vendono la propria terra
e la riducono a femmina di strada
perchè non capiscono le sue bellezze
e la vendono a chi di più gliela paga,
ma tu, o terra mia, non aver paura,
arriverà il giorno di cambiare
perchè ormai sono allentate le catene
che ti hanno imprigionato fino ad ora
e non sarai più schiava, terra mia,
la libertà che meriti l'avrai
la gente che ti ama vuole questo
perchè lo vuole Dio, lo vuole Cristo
e non sarai più schiava, terra mia,
la libertà che meriti l'avrai

USTICA

Stamatina ca cielu e mari si toccanu,
stamatina ca cielu e mari si vasanu,
poi talianu versu di tia
e ti dicinu sti paroli:

Quantu si bedda, Ustica,
ma quantu è bedda st'isula.

Capiddi scuri comu a petra lavica tu ti nascisti
e occhi azzurri comu l'acqua du mari chi ti vagna
e arrifrisca la to peddi caura
mentri lu suli ti cauria.

Quantu si bedda Ustica,
ma quantu è bedda st'isula.

E la to genti è fiera di stari cu tia
e 'nnamurata, ti ama, è pazza di tia,
poi quannu arriva lu jornu du misi d'austu
si fa gran festa pi lu patruni San Bartulumeu
e in procissioni gli usticisi e turisti 'ncantati
tra bancareddi, turruni e picciliddi scappati,
è divina dda notti di gran devozioni
e alla fini i spari e lu jocu di focu.

Quantu si bedda Ustica,
ma quantu è bedda st'isula

USTICA

Stamattina, che cielo e mare si toccano,
stamattina, che cielo e mare si baciano,
poi guardano verso di te
e ti dicono queste parole:

Quanto sei bella, Ustica,
ma quando è bella st'isola.

Capelli scuri come la pietra lavica tu sei nata
e occhi azzurri come l'acqua del mare che ti bagna,
e rinfresca la tua pelle calda
mentre il sole ti riscalda.

Quanto sei bella, Ustica,
ma quando è bella st'isola.

E la tua gente è fiera di stare con te
è innamorata, ti ama, è pazza di te,
poi quando arriva il giorno del mese d'agosto
si fa gran festa per il patrono San Bartolomeo
e in processione gli usticesi e i turisti incantati
tra bancarelle, torrone, e bambini perduti,
è divina quella notte di gran devozione
e alla fne gli spari e i fuochi d'artificio.

Quanto sei bella, Ustica,
ma quando è bella st'isola.

'U PISCATURI (DI MARETTIMU) (1)

Sulu, assittatu cu na petra pi seggia,
senza nuddu pinzeri
e taliari mariggiati chi passanu,
fazzuletti bianchi di suli chi l'avvampa,
comu parpagghiuni chi s'assicutanu.

U ventu canta e rufulia 'nterra
sbrizzi di mari supra balachi
vruca e marvuni
mentri luntanu viu a furmicula
Levanzu e Favignana
comu a tri criaturi natari
supra l'acqua chi l'annaca.

Chi maravigghia,
chi maravigghia,
chi maravigghia.

Si fussi pitturi ci la dassi na bedda pinziddiata
si l'avissinu miritatu.
E comu piscaturi, di luntanu Marettimu,
tira a rizza chi sempri teni... abbrazzati

Chi maravigghia,
Chi maravigghia,
Chi maravigghia.

1) una delle tre isole davanti Trapani (isole Egadi)

IL PESCATORE (DI MARETTIMO)

Solo, seduto su una pietra per sedia.
senza nessun pensiero
e guardare mareggiate che passano,
fazzoletti bianchi di sole che l'avvampa,
come farfalle che si inseguono.

Il vento canta e spruzza verso terra
sbrizzi di mare sopra scogli
tamarigi e .....
mentre lontano vedo come una formichina
Levanzo e Favignana
come tre creature che nuotano
sopra l'acqua che li dondola.

Che meraviglia,
che meraviglia,
che meraviglia.

Se fossi un pittore darei una bella pennellata
se lo meritano davvero.
E come un pescatore, di lontano Marettimo,
tira la rezza che sempre tiene... abbracciati

Che meraviglia,
che meraviglia,
che meraviglia.