|
SANT'ANGILUZZU CHI PAISI E' CHISTU?
testo e musica: Nicolò La Perna)
Sant’Angiluzzu! chi paisi è chistu?
nun c’è chiù munnu, nun c’è chiù Cristu
Li giovanotti tutti si nni eru
c’è nu paisi vecciu daveru
Nun c’è travagliu, e nun c’è chi fari;
tutti li jorni stari a passiari
Sulu na cosa oggi si po’ fari:
valigia ‘nmanu ed emigrari
Chi beddi spiaggi, chi beddu mari
avemmu a Muddaredda ca ni fa sugnari
Cu chistu mari, cu sti biddizzi,
avissimu a campari cini di ricchizzi
Cu chistu suli, cu sta sabbiadurata,
‘nda tuttu chistu munnu uguali un c’è mai stata
Cu sti biddizzi cu chistu mari,
avissimu a campari cini di dinari
Sant’Angiluzzu! chi paisi è chistu?
nun c’è chiù munnu, nun c’è chiù Cristu
Li giovanotti tutti si nni eru
c’è nu paisi vecciu daveru
Nun c’è travagliu, e nun c’è chi fari;
tutti li jorni stari a passiari
Sulu na cosa oggi si po’ fari:
valigia ‘nmanu ed emigrari
Chi beddi sardi, chi trigli licatisi,
chi pisci friscu c’è ni stu paisi
Chi beddi cesi, chi beddi monumenti
c’è tantu di vidiri, di inciririsi a menti
chi beddi muluneddi, cacocciuli chi spini
avissimu a campari chi sacchetti cini
Cu chistu suli e cu chistu mari,
avissimu a campari cini di dinari
Sant’Angiluzzu! chi paisi è chistu?
nun c’è chiù munnu, nun c’è chiù Cristu
Li giovanotti tutti si nni eru
c’è nu paisi vecciu daveru
Nun c’è travagliu, e nun c’è futuru;
c’è nu paisi oscuru oscuru
Sulu na cosa oggi pi cangiari:
sulu a spiranza ni pò sarvari
|
