E un jornu pi casu ci addumannai all`emigranti:
Chi ci metti nta `sta valigia,
una valigia granni, ma spissu vacanti?
M`arrispunniu accussì allura l`emigranti:

Ci mettu la casa, ci mettu la strata
e lu barcuni di la me zita.
Ci mettu la chiazza, ci mettu l`amici
e la festa di lu me paisi.
Ci mettu la pasta, anticchia di pani,
chi dunni u travagghiu `unni lu fannu accussì.
Ci mettu la zagara rigina
la me lingua, li me canzuni.
Ci mettu la zagara rigina
la me lingua, li me canzuna

E` se sugnu scarsu, `un c`è chi fari,
se ghiri luntanu pi travagghiari,
però iu mi portu `nta `sta valigia.
li cosi cchiù beddi `un si ponnu lassari.

Ci mettu la casa, ci mettu la strata
e lu barcuni di la me zita.
Ci mettu la chiazza, ci mettu l`amici
e la festa di lu me paisi.
Ci mettu la pasta, anticchia di pani,
chi dunni u travagghiu `unni lu fannu accussì.
Ci mettu la zagara rigina
la me lingua, li me canzuni.
Ci mettu la zagara rigina
la me lingua, li me canzuna

Ah facciuzza bedda, gioia mia 
nun mi lassari senza i tia, pirchì
pircì d'amuri staiu murennu. 

Si dici, si dici, che lu lettu è rosa
e cu nun dormi si riposa
ma iu dintra stu lettu staiu murennu.

Quannu l'amuri tuppulia
nun lu lassari 'nmezzu a via
pirchì si pigghia ...
Amuri dintra e nun vi n'addunati
lu vuliti cacciari e nun putiti
Amuri dicinu ca è amaru 
vosi pruvari si era veru 
'nda stu piccatu staiu 'mpazzennu. 

Si dici, si dici che lu lettu è rosa
e cu nun dormi si riposa
ma iu dintra stu lettu staiu murennu.

Si voi aviri spassu, 
e amari a cui nun t'ama è tempu persu
Amuri amaru, m'arricria lu cori 
e a cu ci manca mori. chi campa a fari.

Ah facciuzza bedda, gioia mia 
nun mi lassari senza i tia pirchì
pircì d'amuri staiu murennu. 

I PIRATI A PALERMU

(Ignazio Buttitta)

Arrivaru li navi 
tanti navi a Palermu, 
li pirati sbarcaru 
cu li facci di ‘nfernu. 
N’arrubbaru lu suli, lu suli, 
arristammu allu scuru, chi scuru, 
Sicilia… chianci. 
Tuttu l’oru all’aranci 
li pirati arrubbaru 
li campagni spugghiati 
cu la neggia lassaru. 
N’arrubbaru lu suli, lu suli, 
arristammu allu scuru, chi scuru, 
Sicilia… chianci.

Li culura a lu mari 
arrubbaru chi dannu! 
su ‘mpazzuti li pisci 
chi lamentu chi fannu. 
N’arrubbaru lu suli, lu suli, 
arristammu allu scuru, chi scuru, 
Sicilia… chianci.

A li fimmini nostri 
ci scipparu di l’occhi 
la lustrura e lu focu 
c’addumava li specchi. 
N’arrubbaru lu suli, lu suli, 
arristammu allu scuru, chi scuru, 
Sicilia… chianci

MI VOTU E MI RIVOTU
(tradizionale)

Mi votu e mi rivotu suspirannu
passu li notti ‘nteri senza sonnu.
E li biddizzi tò iu cuntimplannu
li passu di la notti ‘nsinu a jornu.
Pi tia nun pozzu ora
cchiù durmìri
paci nun havi cchiù
st’afflittu cori.
Lu sai quannu ca iu
t’haiu a lassari:
quannu la vita mia
finisci e mori. 

MI GIRO E MI RIGIRO

Mi giro e mi rigiro (1) sospirando
passo le notti intere senza sonno.
E contemplando le tue bellezze
le ripenso nella notte
fino a quando fa giorno.
Per te ora non posso più dormire
pace non ha più
questo afflitto cuore.
Tu lo sai quando
dovrò lasciarti:
quando la vita mia
 finisce e muore.

1) dentro il letto