NUSTALGIA
(Giuseppe Nicola Ciliberto)
Pensu a sta terra ca mi sta luntana,
sta terra prufumata sutta ‘u suli,
ca iu lassai pi ghiri a travagliari,
cu gran duluri e granni dispiaciri.
Pensu a la me casuzza chi lassai,
a li biddizzi di sta terra mia,
iu ccà li viu
‘nta ‘u sonnu e m’adduluru,
e pensu notti e jornu di turnari.
E’ ‘na ‘nfilicità luntanu stari,
luntanu di sta terra di Sicilia,
lassai la mamma
e tutti li me cari,
lassai l’oduri di la primavera.
Iu cantu pi putirimi scurdari,
ca sugnu fora di la casa mia,
cu stu distinu ccà nun c’è chi fari,
e pensu notti e jornu di turnari.
Lassatimi un raggiu di lu suli,
‘na guccitedda di l’azzurru mari,
lassati di la zagara l’oduri,
ca quannu tornu la vogliu truvari.
E’ ‘na ‘nfilicità luntanu stari,
luntanu di sta terra di Sicilia,
lassai l’amuri e tutti li me cari,
lassai l’oduri di la primavera.
|
NOSTALGIA
Penso a questa terra che è lontana,
questa terra profumata sotto il sole,
che io lasciai per andare a lavorare,
con gran dolore e grande dispiacere.
Penso alla mia casetta che lasciai,
alle bellezze di questa terra mia,
io qua la vedo
in sogno e mi addoloro,
e penso notte e giorno di tornare.
E’ una infelicità lontano stare,
lontano da questa terra di Sicilia,
lasciai la mamma
e tutti i miei cari,
lasciai l’odore della primavera.
Io canto per potere scordarmi,
che sono fuori dalla mia casa,
con questo destino qua non c’è che fare,
e penso notte e giorno di tornare.
Lasciatemi un raggio di sole,
una goccina dell’azzurro mare,
lasciate della zagara l’odore,
che quando torno lo voglio trovare.
E’ una infelicità lontano stare,
lontano da questa terra di Sicilia,
lasciai l’amore e tutti i miei cari,
lasciai l’odore della primavera
|
