CIURI D'AMURI
(musica F. Buzzurro - testo F. Giunta - arrangiamento D. Riina)

Ciuri d'amuri e pampini
sti manu a l'occhi to'
e d'accussì t'asciucu lu chiantu:
stanotti, la notti passò

Comu si fussi n'ancilu
e cu la vuci so'
cantu picchì amuri è stu cantu
e celu è lu cori to'

E nna stu celu ventu addiventi tu
ti vegnu mmrazza e nun tornu cchiù
e ciuri novi stu cori ti da'

Si nna stu celu mi fai vulari tu
nenti a lu munnu dumannu cchiù
e lu me cori jardinu si fa
ca ciuri novi ti da'

Ciuri d'amuri e pampini
li manu a st'occhi to'
grapili prestu e fammi vulari
ca celu è lu cori to'
Lu me celu è lu cori to'