Dormi e vola 

Dormi gioia dormi figghiu 
dormi sempri ca è megghiu 
'nta sta terra nun c'è furtuna 
dormi e vola supra 'a luna 

Sogna d'essiri un giganti 
sogna d'essiri tutta la genti 
sogna d'essiri lu mari
e cu' tutti li pisci jucari

E jucari cu' tutti li cosi 
e cantari ammenzu a li rosi 
e cantari canzuni di gioia 
e d'o munnu farini puisia 

sogna di cantari 'nte strati 
sogna d'essiri 'u suli 'nta stati 
sogna d'essiri sempri cuntentu 
e lu chiantu addiventa cantu 

SOL
Dormi gioia dormi amuri 
sogna d'essiri tutti 'i culuri 
li culuri di l'arcubalenu 
sogna sempri di stari luntanu 
E luntanu di 'sta terra 
unni puru l'amuri è guerra 
unni lu to' cori è nenti 
e 'i to' lacrimi nun su' 'mpurtanti 

RE
'Nti sta terra nun c'è furtuna 
dormi e vola supra 'a luna 
joca sempri cu' tutti li cosi 
canta sempri ammenzu a li rosi