TERRA CA NUN SENTI
maestro Alberto Piazza

Malidittu ddu mumentu 
ca grapivu l'occhi 'nterra 
'nta stu 'nfernu. 
Sti vint'anni di turmentu 
cu lu cori sempri 'n guerra 
notti e gghiornu.
Terra ca nun senti ca nun voi capiri 
ca nun dici nenti vidennumi muriri.
Terra ca nun teni 
cu voli partiri e nenti cci duni 
pi falli turnari. 
E chianci, chianci, ninna oh
Maliditti tutti st'anni 
cu lu cori sempri 'n guerra 
notti e gghiornu. 
Malidittu, cu t'inganna 
prumittennuti la luci 
e a fratillanza
Terra ca nun senti ca nun voi capiri 
ca nun dici nenti vidennumi muriri 
terra ca nun teni cu voli partiri 
e nenti cci duni pi falli turnari 
e chianci, chianci, ninna oh