PINO VENEZIANO
A SANTU
| A SANTU Ddi ‘sta vita cchi nn’haju Nn’haju sulu stanchzzi, E lu suli mai viju E ‘un nn’haiu carizzi. Sugnu sempri a lu scuru, e la luci mai viju, sentu sulu vuciari, ‘ntà ‘stu munnu di pazzi. C’è l’amuri, e lu sacciu, c’è l’amuri ppi tutti, basta fallu capiri a ccu ‘un ni lu voli. Quannu ‘ncontru la genti, c’ havi occhi e nun vidi, c’ havi aricchi e nun senti, e nun voli capiri, l’accumpagnu ppì manu ppi la strada chiù granni e cci dicu rirennu ca cci vjiu cchiù chiaru. Tri cantara d’amuri, centumila carizzi , iu vulissi dari ma nuddu li voli. No nun vogghiu ricchizzi, di palazzi o dinari, vogghiu stu munnu di pazzi vidiri arraggiunari. Sugnu un santu chi senti, e nun sugnu di lignu sugnu orvu di l’occhi e la strata vi ‘nzignu. |
