L'OMU E LA NATURA 
Musica: Nono' Salamone
voce: Sara Favaro
chitarra e arrangiamento:Gabriele Giambertone
testo:Ignazio Buttitta.

Celu ca nun hai occhi e manni chiantu
mari ca nun hai vucca e ti lamenti
luna ca vesti senza aviri mantu
terra ca nun hai sangu e sì viventi.
Acqua ca binidici e nun si Santu
suli ca bruci e nun si focu ardenti
aria ca duni all'omu ciatu e cantu
siti surgiva dintra la me menti.