VIAGGIO O 'NFERNU
parole, musica e voce di Lillo Catania

Chi mi sunnavu vi vogliu cuntari.
iu mi sunnavu di jri a lu nfernu,
e lu diavulu ch'era 'nfacciu a porta,
mi dissi:" A tia, 'ca, cu ti ci porta?"

"Picchì si' 'ca? Chi vinisti a fari?
Mi vo' purtari la paci ni lu 'nfernu!
'Ca nun c'è postu
pi' chiddi ca nu munnu,
appiru 'nfernu pirsinu ni lu sonnu.

Vatinni, scappa, nun t'avvicinari,
chist'è lu postu di l'eterni guai,
'ca nun ci sunnu poviri e garzuna,
c'è postu sulu pi' ricchi e pi' patruna".

Ci dissi: "Senti lassami parlari,
iu nun sapia ca 'ca c'era 'sta liggi,
avia purtatu cu mia la chitarra,
pi' cunsulari sti' mischineddi a sbarra.

Avia pinsatu ca lu paradisu,
si l'accattaru li ricchi e li parrini,
la genti povira dannata pi' l'eternu,
l'avia pinsatu jttata 'nfunnu 'o 'nfernu.

Ma chista genti nun apparteni a mia,
chista è la genti ca 'na 'ruvinatu,
'ncapu la terra si pigliaru un ternu,
ed ora chiangi dannata pi l’eternu".

Mentri parlava 'ntisi 'na gran vuci,
mi dici: "Omu! Acchiana e nun parlari!
Mancu a lu 'nfernu li vo lassari 'npaci,
‘sti mischineddri jttati ammoddu a pici".

M'arrivigliavu troppu assai scantatu,
e chistu suonnu nun mi fa durmiri,
iu nun vulissi nè poviri nè ricca
e genti o 'nfernu ci 'ni fussi picca.

VIAGGIO ALL'INFERNO

Cosa ho sognato vi voglio raccontare,
io ho sognato di andare all’inferno,
ma il diavolu ch'era sulla porta,
mi disse: "A te, quaggiù, chi ti ci porta?

Perchè sei qua? Chi venisti a fare?
Mi vuoi portare la pace nell'inferno!
Qua non c'è posto per quelli
che al mondo, hanno patito l'inferno
persino durante il sonno.
Vattene, scappa, non t'avvicinare,
questo è il posto degli eterni guai,
qua non ci sono poveri e garzoni,
c'è posto solo per ricchi e per padroni.

Gli dissi: "Senti, lasciami parlare,
io non sapevo che qua
c'era questa legge,
avevo portato con mia la chitarra,
per consolare questi poveretti alla sbarra.
Avevo pensato che il paradiso,
l’hanno comprato i ricchi e i preti,
la gente povera dannata per l'eterno,
l'avevo pensata gettata in fondo all’inferno.

Ma questa gente non mi appartiene,
questa è la gente che ci ha rovinati,
sopra la terra hanno preso un terno,
ed ora piange dannata per l’eterno".

Mentre parlavo udii una gran voce,
mi dice :"Uomo! Sali e non parlare!
Neanche all'inferno li vuoi lasciare in pace,
questi poveretti gettati a mollo alla pece".

Mi sono svegliato troppo spaventato,
e questo sogno non mi fa dormire,
io non vorrei nè poviri nè ricchi
e genti all'inferno ce ne sarebbe poca.