MAGICA NUTTATA                                                    

Sirena e stiddìata è la notti,
ciaurusa di fragranzi saracini;
lucicchia lu mari o chiaru di luna
e lu cantu di li griddi fa cuncertu.
Sutta 'sta miludia s'aggivigliaru
i lustrusi cannileddi du picuraru
e, comu tanti gucciddi di luna,
brillìanu, ni lu ruvettu, a una, a una.
Ogni stidda, vistuta, già, d'argentu,
di 'rrasu, fa lucenti u firmamentu
e, unni lu celu pari ca s'appanna,
stiddìa lu violu di Sant'Anna.
Mentri l'onda juculìa cu lu mari
e u gabbianu, già, si sonna di vulari,
'stù zifireddu friscu e dilicatu
annaca 'na varcuzza cu u so ciatu.
Ciatuliannu, porta 'ccà, di quarchi 'bbanna,
l'ecu lentu di st'antica ninna-nanna:
"E - a - la - vò, la - ninnaredda,
lu lupu si mangia la picuredda..."
E' nà nuttata magica, o Signuri!
E' 'ncantu ca mi porta a 'ttìa Criaturi!
S'ammuccia, spaisatu,ogni rancuri,
s'accuieta, cunurtatu, ogni duluri;
o sirenu, s'addurmiscinu li ciuri
e s'aggiviglia a magia di l'Amuri!

MAGICA NOTTATA

Serena e stellata è la notte
odorosa di fragranze saracene
luccica il mare al chiaro di luna
ed il canto dei grilli fa concerto:
Sotto questa melodia
si sono vegliate le lucciole
e, come tante goccioline di luna,
brillano, nel rovo ad una ad una.
Ogni stella, vestita, già, d'argento,
di raso, fa lucente il firmamento
e dove il cielo sembra appannarsi
luccica il violo di Sant'Anna.
Mentre l'onda gioca con il mare
ed il gabbiano già, sogna di volare,
questo zeffiro fresco e delicato
dondola una barchetta con il suo alito.

Soffiando leggermente porta, da qualche parte,
l'eco lontano di quest'antica ninna-nanna:
"E - a - la - vò, la - ninnaredda,
il lupo si mangia la pecorella…"
E' una nottata magica, O Signore!
E' un incanto che mi porta a te, Creatore!
Si nasconde, spaesato ogni rancore,
s'acquieta, confortato, ogni dolore;
nella serenità, s'addormentano i fiori
e si risveglia la magia dell'Amore.