E NUN DURMIRI
testo e musica Carmelo Ambra

E nun durmiri no! nun durmiri 
ca l'occhi to mi servunu pi gioiri
Diu criau lu scuru dintra la luci
e poi e poi s'ammucciò
dicennu: circati, circati, circati.
E sona, sona, sona, e canta, canta, canta
e lassiti furiari, ca tantu nenti tu po fari
ca tantu nenti tu po fari.

E nun durmiri no! nun durmiri 
ca la vuci to mi senvi pi sintiri
Diu unni si, Diu si ci si, 
dicennu: circati, circati, circati.
E sona, sona, sona, e canta, canta, canta
e lassiti furiari, ca tantu nenti tu po fari
ca tantu nenti tu po fari.

E nun durmiri no! nun durmiri 
ca li to pinzeri mi servunu pi sugnari,
Diu quanti curi, Diu quanti sapuri, 
dicennu: circati, circati, circati.
E sona, sona, sona, e canta, canta, canta
e lassiti furiari, ca tantu nenti tu po fari
ca tantu nenti tu po fari.

E sona, sona, sona, e canta, canta, canta
e lassiti furiari, ca tantu nenti tu po fari
ca tantu nenti tu po fari.