A SETTIMA ARMATA CONTR'A LU SCECCU
di Mel Vizzi
Signuri mèi, a Lacata... schècchi nn'à avutu tanti
ma co è ca s'arricorda... u sceccu cciò importanti?
... p'eròi fu pigliatu... e puru ppì' fascista
di fattu, nni parlàru... famosi giornalista...
'viati di guerra 'nternazzionàli
di la Secùnna Guerra Mondiali.
Piccòtti, jemm'o fattu: quannu successi?... eee cchi?
... e tempi di lu Sbarcu... a lu-Quarantatrì !
*****
C'era na vota a Sèttima Armata
l'Amìricàni sbarcàru a Lacata
sutta'e cumànni di nu Giniràli
...paria ca nùddu... i putiva firmari !
Ormai i Fascisti, 'nzem'e Tedeschi
...parìanu com'ì pisci 'ìùntì a li rèschi!
E avànza avànza... cchi sùrtu putènza!
'mmenz'a li strati 'nci fu risistènza.
Ma u Generali a ccapu d'Armata
truvà o ponti a strata attuppata !
... strittu lu ponti, e 'mpàcciu un carrettu
... cc'un pezz'i sceccu ca faciv' o spertu !
Ah, leviti 'iii'menzu ! e fanni passari !
Testa di sceccu, cca cc'è u Generàli!
Chiddu si ciànta supra lu ponti...
... e ppi' risposta... accumenz'a ragliàri !
(Ma comu si pirmisi di firmari l'avanzata...
nu sceccu licatisi... contru... a gloriosa Armata?)
Mah!...
U Generali ccu Statu Maggióri
si studiani a tattica pp'un fari errori...
vonu truvàri na "mòssa ad effettu !"
ppì luvari diìmmènzu ... sceccu... e carrettu !
Pruvaru a tràari... pruvaru a 'muttàri...
ma... mancu u patruni cci'a potti spuntàri
ne cccu la zòtta... ne ccu mangiari...
... di 'ncap'o pontì 'un si vosi livari.
U Generali si fici cummintu:
"Chìss'è Fasssscccista... ssù scèccu tintu !
... e di nimicu s'àv'a a trattàri !
chista è na guerra ! cchi dìcia u manuàli"?
A strategia du Statu Maggiòri
è..."Cu cacampa campa... e cu mori mori !
... e anchi se u scèccu è disarmatu,
... se fa resistenza: ... va fucilatu !
*****
'Iuntu a stu puntu... a'ddinucciùni...
a gràzzia ppu sceccu addumànna u patrùni:
"E' sulu tistuni" ... ma è un pezzu di pani !
... ed è u megliu sceccu d'i siciliani" !
Ma la sintènza oramài, era tràta:
"Morti a lu sceccu! ... e trasemu a Lacata" !
Perciò... fu u primu... di li fucilati
ni dd'avanzata di Forzi Alliàti.
E ppi' scanziàri u peggiu, u patruni
...('nzi sapa mai...) ...s'abbiàu... o sciùmi ! ...
Prima di moriri u scèccu ragliàu...
Ahhhh!... S'arriniììu ! Eeee si scantàààu !...
e 'ccuminzàru li 'nterpretazziòni
ca allònganu u bròdu di li 'nformazioni.
Ma... 'cussì, Licata l'à 'ntipritata:
... ca u sceccu sputtia... a la Settima Armata !
*****
Datu ca pòtti vìnciri 'o sceccu
...ddru Generali vunciàu lu pettu !
Perciò, cuntentu, a' midaglia già pènza...
pirchi "ha sconfino... la Resistenza" !
Ma... u sapiti amici... qual'è la virità?
...ca ss'a vota vinciu... l'asinità !
di tutti dui... a vui qualu vi pari?
