LA CANNA E LU VENTU

O ventu, cutulìami; sugnu canna;
veni ca ji' ti dugnu la me' vuci.
Si tu mi khiùkhi, khiàmma, e mi cunnuci,
formu lu volu tò chi mi cumanna.
'Stu silenzio mi danna;
sta timpa di luppinu é la me' cruci.
Di stiddri lu me' giummu mi spralluci,
ma 'nchiuvata m'assuppu la cunnanna.
Si tu mi cutulìi, mi sentu viva;
mi sentu 'na carusa juculana;
e cogliu sangu comu na surgiva.
Babbasuneddru, Amuri beddru, acchiana!
dùnami la frischizza chi mi civa.
Ti voglio, ventu di la tramuntana.

Lu ventu a la canna

O canna di lu ventu disiddrata,
lu sacciu ca la timpa ti scunsola.
Sta ddrà suliddra nni la vaddrunata,
e ferma pati; ma lu tempu vola.
Vulissi dari a tia na gran vasata;
fàriti me' comu Turìddru a Lola;
dàriti khiàtu tutta la nuttata,
e tràsiti nta tutti li cannola.
Vinissi, e ti stampassi 'na vintata
a centru di lu giummu chi disìu,
ca fùssimu lu principi e la fata.
O tempu, veni prestu ca m'avvìu,
e vàju comu un persu a l'acchianata.
Partu currennu, si fu voli Diu.

Canna e ventu

Lu ventu si sulleva di lu jàzzu,
e cogli khiàtu... Si talìa di latu;
va di lévu tra disi e cipuddrazzu,
e acchiana suspirannu suspiratu.
Cafuddra un ammuttuni a l'arbanazzu
e va a la canna comu stravasatu.
Chinu d'arduri e pazzu,
si la firrìa, la smovi e stringi amatu.
Po' la vintata cedi a la khiukihiàta:
l'arduri si fa mmùrmuru cchiù lentu;
tutta la furia sò si fa... vasata.
La canna è canniata; arrafatata;
ma lo so giummu voli ancora ventu.
      Po' stanca; e si l'annaca; ed è annacata                            

LA CANNA E IL VENTO

O vento scuotimi, sono canna,
vieni che io ti do la mia voce.
Se tu aliti in me, anima mia e mi conduci
formo il volo tuo che mi comanda .
Questo silenzio mi danna;
Questa balza di terreno scosceso è la mia croce.
Di stelle la mia parte sommitale mi straluce,
ma inchidata sopporto la mia condanna.
Se tu mi scuoti, mi sento viva
mi sento una ragazza giocosa;
e raccolgo sangue come una sorgiva.
Cretinetto, Amore bello, sali!
dammi la freschezza che mi nutre.
Ti voglio, vento di tramontana.

Il vento alla canna

O canna dal vento desiderata
lo so che la timpa ti tiene triste.
Stai là soletta nel vallone ,
e ferma patisci; ma il tempo vola.
Vorrei darti un gran bacione;
farti mia come Turiddu a Lola;
darti fiato tutta la notatta
ed entrarti in tutti i tuoi cannoli (foglie)
Verrei e ti stampassi una ventata
al centro della parte sommitale che desidero,
così saremmo il principe e la fata
O tempo vieni presto che mi avvio,
e vado come uno perso nella salita.
Parto correndo, se vuole Dio.

Canna e vento

Il vento si solleva dal giaciglio
e prende fiato... Si guarda di lato
va al galoppo tra ampilodermi ( erba tagliente)
e cipollone (erba a forma di cipolla)
e va verso la canna
come invasato.
Pieno d'ardore e pazzo,
se la gira tutta, la smuove e se la stringe pieno d'amore.
Poi la ventata cede al soffio leggero:
l'ardore si fa mormorio più lento;
tutta la sua furia si trasforma in bacio.
La canna è stremata, con la voce roca
ma la sua parte sommitale vuole ancora vento.