DON ALVARU DI LI CAMPI 

(libero rifacimento di “Gazetilha” di F.Pessoa)

Di baruna priputenti a cavaddu ‘mpinnacchiati
lu tempu nun parra cchiù, lupi scurdati

Di padruna cu sarmenti, aranci e spichi
di putenti cu lu mari pi fistina
di fabbricanti di mineri e prufissuri di li corti
lu nomi è vvurricatu sutta l’ossa

Sulu nu pueta ‘ngiuriatu, nu pazzu persu
fra li stiddi a circari sirinati,
n’architettu chi squatra contrasuli basamenti
esci di la notti muta tinibrusa,
unni la storia nun è cchiù storia

O grandi signuri di jurnata!
O grandi biddizzi e successi carricati,
cianciani e culuri ca lu munnu firmati,
curriti, ballati ma nun sugnati
pigghiati oggi sordi e tavulati
pirchì dumani è de’ pazzi ‘ngiuriati!