NUN LU SAPITI L'AMURI CA V'HAIU
Nun lu sapiti l'amuri ca v'haiu
e non sapiti quantu vi disiu
non lu sapiti comu chiangiu e staiu
quann'è ca ppi mumentu non vi viu
Dintra di l'arma mia na vampa cci haiu
e lu me cori è vostru e non lu miu
si moru 'n paradisu non ci vaiu
pirchì p'amari a vui non pensu a Diu
E vui sapennu st'amuri e sti peni
mi lassati muriri comu 'ncani
ma oggi siddu cc'è cu vi tratteni
speru di cunvincirivi dumani
Cchiù non m'amati e cchiù vi vogghiu beni
chiù passa e chiù vi mannu cristiani
non mi lassati amuri 'ntra sti peni
pirchì siti ppi mia l'acqua e lu pani.
|
NON LO SAPETE L'AMORE CHE HO PER VOI
Non lo sapete l'amore che ho per voi
e non sapete quanto vi desidero
non lo sapete come piango e stò
quando per un momento non vi vedo
Dentro l'anima mia un fuoco ho
e il mio cuore è vostro e non mio
se muoio in paradiso non ci vado
perchè per amare voi non penso a Dio
E voi conoscendo il mio amore e le mie pene
mi lasciate morire come un cane
ma se oggi c'è chi vi trattiene
spero di convincervi domani
Più non mi amate e più vi voglio bene
più passa tempo e più vi mando messaggeri
non mi lasciate amore fra queste pene
perchè siete per me l'acqua e il pane
|
