Ricordu quantu voti carusiddu
durmeva dintra 'n misiru pagghiaru
pri matarazzu quattro erbi sicchi
'n saccu di juta comu cuvirtura
pri putiri a lu megghiu ripusari
stancu di na jurnata a la campia.
Senza lumera, sulu, a scuru fittu
pari la notti nun finiva mai,
lu cantu di lu risignolu,
lu sgrusciu d'ogni cosa
mi facìa ccu li sensi appisi
finu ca la chiaria
spaccava l'arba di lu novu jornu.
… E quantu ni passai nuttati sani
tirannu lu carrettu a pettu chinu,
pri lu vadagnu di 'n pezzu di pani
di 'n ghiornu senza arba e senza suli.
Cumpaniggiava tra miseria e fami
putìa accattari sulamenti fumu,
la sira pri mangiata
'na mininistredda stritta
'n bicchireddu di vinu e pani duru:
e puru ca la vita
mi la jucava spissu a paru e sparu
truvava avanti a mia lu stessu muru.
Vita di campagnolu!
ricordi ca rimovunu
l'ansii e l'amarizzi.
Calvariu di tannu
strittu compagnu di li me pinzeri                                                                                    

Ricordo quante volte giovinastro
dormivo in una misera capanna
per materasso delle erbe secche
un sacco vecchio come copertura
per un mesto riposo
di un giorno di lavoro nei campi.
Senza una lampada di luce solo, al buio della notte pare la notte non passava mai,
il canto di un usignolo,
il cigolio di ogni cosa
mi faceva stare con i nervi tesi
fino che un tenue chiarore
annunziava l'alba di un nuovo giorno.
… Ricordo ancora le giornate amare
tirando il carretto della vita.
per il guadagno di un tozzo di pane
di un giorno senza alba e senza sole.
Tiravo avanti fra miseria e fame
il mio guadagno se ne andava in fumo,
per una misera minestra,
un bicchiere di vino
e pane duro:
e pure che la vita
me la giocavo a pari e dispari
batteva sempre nel solito muro.
Vita di campagnolo!
ricordi che rinnovano
assopite amarezze.
Calvario della vita
ancor presente nei miei pensieri.