‘U TILARU2

Stanotti, matri, mi sunnai ‘n tilaru

sai, comu a chiddu ca tant’anni arrieri

‘na sira i murticieddi mi lassàru

vicinu ô liettu, sistimatu ê pieri.

Pùtia avìri nov’anni, a r’uòcciu e cruci,

e ‘a strata parìa tutta ri calata…

m’anzignai ‘u puntu erba, ‘u puntu a cruci

‘ccussì com’era usanza râ casata.

Raccamannu ‘ntrizzava li pinzèra

ccô filu culuratu rê me anni

ca ja ‘ntramannu supra la ciurera

ri ddu tilàru, senza peni e affanni.

Ciù s’accapàu ddu beddu filu ‘i sita

ca culurau la virdi picciuttanza

ora ‘ntrizzu paroli ri sustanza

supra ‘u tilaru ‘ranni ri la vita.

IL TELAIO

Stanotte, madre, sognai un telaio

sai, come quello che tanti anni addietro

una sera i morticini mi lasciarono

sistemato ai piedi del letto.

Potevo avere nove anni, ad occhio e croce,

e la strada sembrava tutta in discesa…

imparai il punto erba, il punto a croce

così come era usanza nella famiglia.

Ricamando intrecciavo i pensieri

col filo colorato dei miei anni

che ordivo sopra la fioriera

di quel telaio, senza problemi e affanni.

Ormai si è consumato quel bel filo di seta

che colorò la verde giovinezza

ora intreccio parole di concretezza

sopra il grande telaio della vita.