PI TIA ROSA

E commu pozzu iu
chi un sacciu
comu si camina scavusa
scriviri pi tia?

Iu chi 'un sacciu
zoccu significa
'un aviri pani
e patiri 'a fami.

Iu chi quannu
sentu 'a to vuci
'ntê canzuni
addiventu nica nica.

'U me cori
un linticchiu torna.

Iu ca ti 'ntraviu
mezzu a lu frummentu
chiù avuto ri tia
Tu. Nica.
cu dda facciuzza,
i capiddi 'mpirugghiati,
di occhiuzzi chini ri sonnu
e di manuzzi,
sì 'i to manuzzi
ca a dd'età sulu
i pupiddi avianu a pittinari
inveci di cogghiri i spighi
pi manciari.

Sfardata,
spinata,
appitittata,
'ntô saccuni nenti ri manciari
mancu 'na muddichedda ri pani
pi tia Ruosa.
Chi pozzu scriviri pi tia
chi tu fusti 'u cupecchiu
ri tutti i tijani,
pi to soru, pi to frati
ntê to spaddi ti carricasti.

Abbrazzavi tutti i guai
râ sorti to disgraziata
e comu na gran fimminuna
'un ti ittasti ri latu.

Sonu ri catini cu infamità
'nta dda galera senza pietà
ma puru doccu ti 'nputasti,
e cu 'a to vuci dû to cori
resuscitasti .

Si' Rosa "a granni Rosa
tu facisti
parti ri la storia
e si oggi veni nominato 'u nommu to
sulu 'u cappeddu
e l'inchinu t'amma a fari;
'A primma iu
ca ti staiu a muntuvari.

DEDICATA A TE, ROSA

E come posso io
che e non so
come si cammina
scalza scrivere per te?

Io che non so
cosa significa non avere cibo
e patire la fame.

Io che quando
ascolto la tua voce
nelle canzoni
divento piccola.

Il mio cuore
una lenticchia torna.

Io che ti vedo
in mezzo al grano
più alto di te
Tu. piccola,
con quella faccia,
i capelli arruffati,
gli occhietti pieni di sonno
e le tue manine
si le tue manine
che per quell'età solo
i bambolotti dovevano pettinare
invece di raccogliere le spighe
per mangiare.

Strappata
spettinata
affamata
nella borsetta niente da mangiare
neanche un pezzetto di pane
per te Rosa
Che posso scrivere per te
che sei stata il coperchio
di tutti i tegami
per tua sorella, per tuo fratello
caricati sulle tue spalle.

Abbracciavi tutti i guai
della sorte tua disgraziata
e come una gran donna
non ti sei sottratta.

Suono di catene con infamità
in galera senza pietà
ma anche in questo ti sei puntata
e con la voce del tuo cuore
sei resuscitata.

Si la grande Rosa
tu hai fatto
parte della storia
Se oggi viene nominato il tuo nome
solo il cappello
e l'inchino dobbiamo fare;
La prima io
che ti sto a menzionare.