MATRI 

Unn’era certu la me vuci

ma li to’ paroli chini di curaggiu

a inchiri  li me silenzi

quannu la me anima era ‘n timpesta.

Li to’ occhi granni e duci,

ca parevanu luni chini,

mi davanu  cirtizza

‘ne mumenti di scunfortu. 

E li to carizzi delicati

eranu comu balsamu vivu

pi li me carni abbruciati,

pi curpa di sintimenti  malati.

Unn’era certu meritu miu

ma la forza du to’ amuri

a fari disperdiri u me duluri

‘n menzu a li stiddi di la notti.

Sentu ancora li to’ labbra trimanti

recitari u Rusariu a la Madonna

mentri cu li jrita di la manu

spincevi i cocci di la cruna.

Ma la morti  bastarda e biffarda

s’arrubbò pi sempri la to’ vita

un jornu  malidittu di mernu

e accussì persi pi sempri lu to’ sustegnu.

Nun vitti chiù

li  to’ pugna stritti,

nè mancu li to’ spaddi stanchi,

nè sintìu chiù u lamentu pi li to’ anni.

Ma li to’ abbrazzi sì,

chiddi li sentu ancora ca mi strincinu  forti

e mi inchinu u cori di cunfortu

puru si nun vidu chiù  lu to’ corpu.

MADRE

Non era certo la mia voce

ma le tue parole pregne di coraggio

che riempivano i miei silenzi

quando la mia anima era in tempesta.

E tuoi occhi  grandi e dolci,

che sembravano lune piene,

mi davano certezza

nei momenti di sconforto.

Le tue carezze delicate

erano come balsamo vivo

per le mie carni bruciate,

a causa di sentimenti malati.

Non era merito mio

ma la forza del tuo amore

a fare disperdere il mio dolore

fra le stelle della notte.

Sento ancora le tue labbra tremanti

recitare il Rosario alla Madonna

mentre con le dita della mano

spingevi i grani della corona .

Ma la morte infame e beffarda

si è rubata  per sempre la tua vita,

in un giorno maledetto  d’inverno

e così  persi per sempre il tuo sostegno.

Non ho visto mai più

i tuoi pugni stretti,

né le tue spalle stanche,

né ho sentito più il lamento per i tuoi anni.

Ma i tuoi abbracci sì,

quelli li sento ancora  che mi stringono forte

e mi riempiono il cuore di conforto

anche se non vedo più il tuo corpo.