LA ME TERRA

Sta terra accussì bedda e cuntrastata,

china di amuri e di rari  biddizzi,

di tuttu lu munnu vennu ed è addisiata,

famusa puru pi li so munnizzi,

u mari beddu, muntagni e tantu oru,

ca crisci ncapu l’arbuli e lu suli,

frutti succusi ca sunnu u so tesoru,

un tempu traspurtati cu li muli,

scanzamu sti maligni tantu storti,

ca portanu vriogni e tanta morti,

cu li cannuna di la libertà,

sparamucci paroli beddi e duci,

rapemucci lu cori cu umiltà,

ca si ‘nni uncemu li mittemu n’cruci,

Sicilia bedda china di tesori,

restu cu tia ti rugnu lu me cori.

LA MIA TERRA

Questa terra così bella e contrastata,

piena di amore e di rare bellezze

da tutto il mondo vengono ed è desiderata

famosa anche per le sue immondizie

il mare bello, montagne e tanto oro

che cresce sopra gli alberi e il sole,

frutti succosi che sono il suo tesoro

un tempo trasportati con i muli,

cacciamo questi maligni tanto storti,

che portano vergogna e tanta morte,

con i cannoni della libertà ,

spariamogli parole belle è dolci ,

apriamogli il cuore con umiltà ,

che se ci uniamo li mettiamo in croce ,

Sicilia bella piena di tesori ,

resto con te ti do il mio cuore.