ERA DUNCI LU PANI DI ‘NA VOTA

Chi nustalgia di li tempi juti
tanti anni lestu lestu su passati
haiu ‘mpressu nni l’ucchi e li la menti
‘ddi tempi antichi misiri e ‘mpurtanti
quannu la fimmina era vera fimmina
e sacrifici nni facia tanti.
Nun c’eranu palazzi e ranni appartamenti
comu ni sti tempi ca hannu jiutu avanti,
ma staddi, dammusi e cammareddi,
strati vicchi, viculi e vaneddi.
La fimmina massara e laburjiusa
ogni simana faciva lu pani ‘ncasa
lu furnu conza e guasta idda diciva
e ancora cchiù attenzioni ci mittiva.
All’arba lu crivu già ‘n maniju,
si cirniva la farina hiaurusa,
si ‘mpastava lu pani di bon’ura,
si famiava cu li suduri ‘n frunti,
era un rituali ricurrenti,
‘Ntra n’-agnuni lu crivu e lu scupuni,
la farina, lu livitu e lu sali,
lu scanatutri, li steddi, la maidda,
la pala ppujiata a ‘n’anguliddu.
Era bunu la pani di ‘na vota!
lu pani ‘ncuculatu già cunchiutu,
chinu di giuggiulena e paparina,
cummigghiatu sutta li cuperti
‘ncapu ‘na mangiata di farina.
Quattru steddi jittati ni lu furnu
chi alligrizza c’era a la sfurnata,
niscivanu dorati chicchiredda
e guastidduzzi belli profumati,
si cunzava ancora callu, callu,
cu un filu d’ugliu di la bona annata
Era bunu lu pani di ’na vota!
Stava friscu pi ‘na simana sana,
quarchi auliva, ‘na sarda, ‘na cipudda,
tirannu maccicuna cu gustu si mangiava.
Chi hiauru si spandiva pi la strata,
nni li vaneddi e intra li casuzzi
lu pani callu e a latu dui favuzzi
si jiva avanti pi tutta la jurnata.
Chi gustu lu pani di ‘na vota!
chi sustanza lu pani di na vota!
Chi hiaru lu pani di ‘na vota!
Era duci lu pani di ‘na vota!

ERA DOLCE IL PNE DI UNA VOLTA

Che nostalgia dei tempi andati!
Tanti anni presto sono passati,
ho impresso negli occhi e nella mente
quei tempi antichi miseri ed importanti
quando la donna era vera donna
e sacrifici ne faceva tanti.
Non c’erano palazzi e appartamenti
come in questi tempi che sono andati avanti
ma stalle, dammuso e casette,
strade vecchie, vicoli e cortili.
La donna, molto laboriosa
ogni settimana faceva il pane in casa
il forno aggiusta e guasta lei diceva
e ancora più attenzione ci metteva
All’alba con il setaccio in mano,
si cerneva la farina odorosa,
si impastava il pane di buon’ora
si accendeva il forno con il sudore in fronte,
era un rituale ricorrente.
In un angolo il setaccio e lo scopone,
la farina, il lievito, il sale,
la spianatoia, la legna, la madia,
la pala appoggiata in un angolino.
Era buono il pane di una volta!
il pane “ncuculatu” (forma data) lievitato,
pieno di sesamo e semi di papavero,
messo sotto le coperte
con sopra una mangiata di farina.
Quattro ceppi buttati dentro il forno
che allegria c’era alla sfornata,
uscivano panini dorati
e pagnotte belle profumate,
si condiva ancora caldo, caldo
con un filo d’olio della buona annata.
Era buono il pane di una volta!
Stava fresco una settimana intera,
qualche oliva, una acciuga, della cipolla,
a bocconi con gusto si mangiava.
Che odore si spandeva per la strada,
nei vicoli e dentro le casette
il pane caldo accompagnato con delle fave
si andava avanti per tutta la giornata.
Che gusto il pane di una volta!
Che sostanza il pane di una volta!
Che profumo il pane di una volta!
Era dolce il pane di una volta!