COMU RINNINA…

Povira carusa…
accussì ti lassaru ‘nmezzu a strata…
comu rinnina ccu l’ali spizzati, sfrantumati,
li pinni vulati m’ncelu
comu lacrimi ‘chiatrati di cristallu.

Povira carusa…
spugghiata di li vesti conu ciuri spampinatu,
comu pampina scippata da rama di l’arvulu,
firita ‘nta lu corpu e ‘nta lu cori
fusti fimmina ‘nta na vota…

Turnasti ccu amarizza a lu nidu,
scunzatu senza pietà da la manu abbranata di viulenza, chianci figghia, grida ccu raggia
lu gran duluri c’attanagghiau lu pettu.

Povira rinnina…
vulata ‘nta lu celu a primavera
sbattuta da la furia da timpesta,
l’ali strazzati ‘nmezzu li ruvetta.

COME RONDINE…

Povera ragazza…
ti hanno lasciata così in mezzo alla strada,
come rondine con le ali tagliate a pezzi, rotte, frantumate, le piume volate in cielo
come lacrime ghiacciate di cristallo…

Povera ragazza…
spogliata delle vesti come fiore senza petali,
come foglia lacerata dal ramo di un albero,
ferita nel corpo e nell’anima,
sei diventata donna all’improvviso,,,

Sei tornata con amarezza al tuo nido,
scombinato senza pietà da mano violenta,
piangi figlia, grida con rabbia
il tuo dolore che ti stringe il petto.

Povera rondine…
volata in cielo a primavera,
sbattuta dalla furia della tempesta,
le ali strappate in mezzo ai rovi.