CHISTA È A SICILIA,

CHISTU È U SICILIANU

Quannu parru dâ me terra

è comu si parrassi dù me amuri,

lu cori mi batti forti e s’adduma

di passiuni picchi comu ‘namanti

‘nni sugnu ‘nammuratu.

È beddra e sarvaggia, comu nâ

fimmina miditirrànea chi ‘ncanta

câ sò bidizza, lassannu, a cû

s’inninamura,  sienza ciatu

e a bucca àperta.

Sicilia mea, ‘ntra ‘nfernu e paraddisu,

unni c’è cû cumanna e cû ‘nganna,

cû mutu si ‘nni sta picchi criri

chi cosi anna ghiri pi comu

anna ghiri.

Sicilia prigiunera dû passatu,

di voscenza s’abinirica,

e baciamo li manu, unni nuddu

nenti sapi, e nenti viri picchi

un c’iera, e si c’iera durmia,

e cû dormi nenti viri.

Sicilia beddra e turminata

di indigni e tristi virità,

difficili a capiriti, difficili

ad accittariti, e m’addulura

l’anima e chianciri lu cori,

quannu ti mancanu di rispiettu,

picchì pi quantu difetti pozza

aviri, chista è a Sicilia,

chistu è u Sicilianu. 

QUESTA È LA SICILIA,

QUESTO È IL SICILIANO

Quando parlo della mia terra

è come se parlassi del mio amore,

il cuore mi batte forte e si accende

di passione perché come un amante

ne sono innamorato.

È bella e selvaggia, come una

donna mediterranea che incanta

con la sua bellezza, lasciando, a chi

se ne innamora, senza fiato

e a bocca aperta.

Sicilia mia, tra inferno e paradiso,

dove c’è chi comanda e chi inganna,

chi zitto se ne sta perché crede

che le cose devono andare per

come devono andare.

Sicilia prigioniera del passato,

di vostra signoria mi benedica,

e baciamo le mani, dove nessuno

niente sa, e niente vede perché

non c’era, e se c’era dormiva,

e chi dorme niente vede.

Sicilia bella e tormentata

di indegne e tristi verità,

difficili a capirti, difficile

ad accettarti, e mi addolora

l’anima e piangere il cuore,

quando ti mancano di rispetto,

perché per quanti difetti possa

avere, questa è la Sicilia,

questo è il Siciliano.