A GIARA E A GIARRA DA MARCHISA

Certi paroli hannu la putenza

di purtari i ricordi a la cuscenza.

Accussi “giara” ca mi riporta ancora

a don Lollò, zi Dima e i reciti da scola.

Ma mi riporta ‘nmenti natra giara,

o “giarra” ditta a la muntirrialisa,

a giarra da Marchisa;

a viu ni l’agnuni unn’era misa,

vicinu a la scupa di giummarra!

Si mantiniva frisca l’acqua dintra la giarra

e carmava l’arsura da calura.

Bellu a tempu d’estati, di bonura

rinfriscarisi all’ummira assittati,

o scinniri de rami, ‘nsanguliati,

 comu fussimi ‘nguerra!

Pi lavarinni ceusi ‘ngresta

e acqua frisca da giarra!

A sira da vinnigna s’abballava

attornu a la racina ammunziddata,

aspittannu onnumani, pa granni macinata!

Sutta a quadara di lu vinu cottu

la braci era pronta pi l’arrustu

e po' vinu, sasizza e cuddiruna

a lu lustru da luna!

E a mia di bottu

torna ‘nmenti u zi Dima ‘nmezzu all’ara,

cu i cuntadini, a ridiri e scialari…

poviru Don Lollò sta vista nun la potti suppurtari,

tantu ca rumpì a giara!

Accussì è:

A memoria do cori  ti cunnuci unni voli

e taliannu a la luna

t’acchiana l’allammicu di li tempi di prima!

LA GIARA E LA GIARRA DELLA MARCHESA.

Certe parole hanno la potenza

di riportare  i ricordi alla coscienza,

così Giara, che mi riporta ancora

a Don Lollò, Zi Dima e le recite della scuola.

Ma mi riporta in mente un'altra giara,

o giara, detta nel dialetto di Realmonte,

la giara della Marchesa.

La vedo, nell'angolo dove era messa,

vicino alla scopa di giummarra (palma nana).

Si manteneva fresca l'acqua dentro la giara

e calmava l'arsura della calura.

Bello, nel periodo estivo, di buon mattino,

rinfrescarsi seduti all’ombra

o scendere dai rami insanguinati

come fossimo in guerra.

Per lavarci gelsi acerbi

e l’acqua della giara

La sera della vendemmia si ballava

attorno all’uva ammucchiata

aspettando l’indomani per la grande macinata.

Sotto la caldana del vino cotto

la brace era pronta per l’arrosto

e poi vino, salsiccia e cuddiruna (pizze ricoperte)

alla luce della luna.

A me di botto

torna in mente Zi Dima, in mezzo all’aia

con i contadini a ridere e far festa.

Povero Don Lollò, questa scena non ha potuto sopportarla,

tanto che ha rotto la giara.

Così è….

La memoria del cuore ti porta dove vuole

e guardando la luna

Ti sale la nostalgia dei tempi di prima!