NIURAULA e CIRASUOLU

A cuantu beddu è u tastari e calari,

ro megghiu vinu ca si po' truvari,

nna la Sicilia china ri vigni,

brinnu a la vita e a li megghiu sonni.

“Niuraula” trantu e briusu,

nna ogni pastu accumpagnu ngignusu,

rapu la vutti e vinciu la sorti,

bivu dilizzia e vinciu la morti.

“Cirasuolu” forti e brillanti,

scacciu li riauli e preju li santi,

brinnu a la vita bedda e giuiusa,

chiuru a me arma intra na chiusa.

Chi scialu e chi arricriu,

isu u bicchieri ccu l’amicu miu,

rapiti li porti ca stanu arrivannu,

milli buttigghi rati a cumannu.

Forza bivemu genti,

ca ri la vita un’arresta nenti,

facemu votu a Sicilia bedda

cco megghiu vinu ca sciala i vuredda.

NERO D’AVOLA e CERASUOLO

A quanto è bello l’assaggiare e calare,

del miglior vino che si può trovare,

nella Sicilia piena di vigne,

brindo alla vita ed ai migliori sogni.

“Nero d’Avola” teso e brioso,

in ogni pasto accompagno ingegnoso,

apro la botte e vinco la sorte,

bevo delizia e vinco la morte.

“Cerasuolo” forte e brillante,

scaccio i diavoli e prego i santi,

brindo alla vita bella e gioiosa,

chiudo la mia anima dentro una chiusa.

Che ristoro e che goduria,

alzo il bicchiere con l’amico mio,

aprite le porte che stanno arrivando,

mille bottiglie date a comando.

Forza beviamo gente,

che della vita non ci resta niente,

facciamo voto alla Sicilia bella,

col miglior vino che fa ristorare le budella.