LA MATTANZA

Lu suli ancora 'un s'ha susutu

e tuttu lu paisi è addummisciutu .

Lassà lu lettu e puru la famigghia:

lu tunnarotu è un pezzu chi travagghia.

Era usu e tradizioni i primi 'i maggiu

nesciri rizzi e varchi di lu mafaraggiu

e quannu ‘u tunnu si viri in abbunnanza

si pripara la tunnara a la mattanza.

Lu Rais signala 'u mari e li currenti

li tunnaroti hannu già li rizzi pronti

e s'appara sta trappola mortali

e si munta lu quadratu na lu mari.

La prima è la cammara cchiù Granni

dunni li pisci ponnu trasiri abbunnanti

A Livanti si spartinu li pisci

quannu su assà, pi travagghiari lisci.

Trasennu na la cammara Bastarda

arriva lu mumentu di la cunta.

Un ultimu respiru va a Ponenti

pi trasiri a lu Coppu e 'un vidiri cchiù nenti.

Lu tunnu nobili, argenteu e brillanti,

'mpazzisci, mentri ammintuanu li Santi,

vulissi nesciri ma assumma 'n superfici

dunni li spitteri addiventanu carnefici.

Di la Muciara si senti vuciari:

è lu rais chi avi a cumannari;

e mentri di lu mari acchiana lu russuri

addumanna scusa e binirici lu Signuri.

Li famigghi aspittavanu stu mumentu

pi pigghiari ciatu e aviri u tavulu cuntentu.

Ora li tempi su canciati...

ma taliannu lu mari in lontananza

iu sentu ancora li cialoma e li risati

di li varcazzi chi tornanu di la mattanza.

LA MATTANZA

Il sole non è ancora sorto

e tutto il paese ancora dorme

Si è già alzato e ha lasciato a letto la famiglia

il pescatore di tonni lavora già da un pezzo

Era consuetudine e tradizione i primi giorni del mese di maggio
uscire le reti e le barche dal magazzino

e non appena i tonni iniziano a popolare il mare

riaprono le tonnare e si inizia a preparare la mattanza ( pesca del tonno).

Il Rais indica il luogo in mare e analizza le correnti

i tonnaroti preparano le reti

e sistemano la trappola mortale (per i tonni)

e si posizionano le barche a formare un quadrato

La prima camera(di reti) è la camera Grande

dove i pesci possono entrare abbondanti

Nella camera Levante si dividono i pesci

quando sono tanti, per lavorare più facilmente.

Quando entrano nella camera Bastarda

è il momento di contare i tonni.

Un ultimo respiro ed entra nella camera Ponente
per entrare nella camera della morte

e chiudere gli occhi. (morire)
Il tonno pregiato, (dal colore) argenteo e brillante
si agita impazzito, mentre i pescatori pregano i santi,
vorrebbe liberarsi ma le porte sono chiuse
e salgono in superficie
dove i tonnaroti “spitteri “ uccidono i tonni
con la spetta (un bastone munito di uncino).
Dalla muciara (la barca del rais)si sente gridare:

è il Rais che da gli ordini;

e mentre il mare si tinge di sangue

chiede perdono e rende grazie al Signore.

Le famiglie aspettavano questo momento
per prendere fiato e avere un tavolo ricco
Ora i tempi sono cambiati…
ma guardando il mare in lontananza
io sento ancora i canti e le risate

(dei pescatori) sulle barche rimorchio
(usate dai tonnaroti) che tornano dalla mattanza.