‘A FOTOGRAFIA

Guardannu attentamenti chista fotografia

l’occhi mei spirlucinu di gioia e alligria.

Certu si vidi picca nta sta confusioni

e pi capilla bona ci voli attenzioni.

Pari na cosa antica mmeci è lu dumani

si virunu piruzzi, la facci e puru ‘i mani.

Lu nasu a patatedda, la vucca risulenti,

l’ucchiuzzi ancora chiusi, li zigomi spurgenti.

Quarcunu già mi dici ca rassimigghia a mia,

ma pi diri sti cosi ci voli tanta fantasia,

picchì chidda ca guardu ‘unn’è fotografia,

ma dû me niputeddu la prima ecografia.

Di chista criatura lu figghiu meu è ‘u patri,

mentri di luntanu assai veni la so’matri.

Figghiu di un granni amuri c’annulla li cunfini

e du’ munni tantu distanti fa vicini.

LA FOTOGRAFIA

Guardando attentamente questa fotografia

gli occhi miei brillano di gioia e allegria.

Certo si vede poco in questa confusione

e per capirla bene ci vuole attenzione.

Sembra una cosa antica, invece è il futuro

si vedono i piedini, la faccia e pure le mani.

Il naso a patatina, la bocca ridente,

gli occhietti ancora chiusi, gli zigomi sporgenti.
Qualcuno già mi dice che rassomiglia a me,

 ma per dire queste cose ci vuole tanta

fantasia,  perché quella che guardo non è

fotografia, ma del mio nipotino la prima ecografia.

Di questa creatura, mio figlio è il padre,

mentre da molto lontano viene la sua madre.

Figlio di un grande amore che annulla i

confini  e due mondi tanto distanti fa vicini.