A FORZA DI LA MUSICA

Musica...Tutt'a vita è musica...

Ogni ricordu ca ti torna 'nmenti
è sempri accumpagnatu i 'na canzuna.
'na miludia ca ti fa sunnari,
'na nota tristi di malinconia...

A ninna nanna 'mbrazza di la matri.
l'Avimmaria a brazzettu du patri
ca ti cunnuci spusa 'nta l'artari,
lu chiantu e risu allegru d'un nutricu,
sonu di caruseddi casa casa

Musica e cantu; u scrusciu dì lu mari,
quannu talii luntanu l'urizzunti
e s'affaccia 'na lacrima 'nte cigghia.

Musica quannu parrà lu silenziu
ca 'nchiatra li pinzeri e u sintimentu...
La matri duci 'nto celu vulata,
nenia di chiantu, nenia di duluri.

Musica...Tutt'a vita è musica...

Jurnati allegri vasati du suli,
cantu i cicali e sinfunia di griddi,
sirinati 'ncumpagnia da luna
c'adasciu pitta d'argentu li capiddi,
cunzola u cori e fa lustra a lu passu
'nta lu pinninu ca ti veni 'ncontru...

LA FORZA DELLA MUSICA

Musica...Tutta la vita è musica...

Ogni ricordo che affiora alla mente
è sempre accompagnato da una canzone,
una melodia che ti fa sognare,
una nota triste di malinconia...

La ninna nanna tra le braccia della mamma,
l'Avemaria a braccetto del padre
che ti accompagna sposa sull'altare,
il pianto e riso allegro di un neonato,
suono di bimbi per casa.

Musica e canto il rumore del mare,
quando guardi lontano l'orizzonte
e s'affaccia una lacrima tra le ciglia.

Musica quando parla il silenzio
che ghiaccia i pensieri e il sentimento...
La madre dolce volata in ciclo,
nenia di pianto,  nenia di dolore.

 Musica…Tutta la vita è musica...

Giornate allegre baciate dal sole,
canto di cicale e sinfonia di grilli,
serenate in compagnia della luna
che piano piano pitta d'argento i capelli,
consola il cuore e con la sua luce guida il tuo passo
nella discesa che ti viene incontro...